#CAFETERIALASSO

ReservarDestacamos

#CAFETERIALASSO

Aberto de luns a venres

DE 9:30 A 17:00 H.

Pechamos sábados, domingos e festivos, agás aqueles nos que hai programación no Auditorio. Neses casos podes visitarnos dende unha hora antes da actuación.

Xantar bufete

DE LUNS A VENRES DE 14:00 A 16:00 H.

Elixe entre pratos fríos e quentes do noso bufete autoservizo. Todos os días é diferente, anque a estrutura é a mesma: un bufete frío con diferentes productos para construir a túa ensalada e un bufete quente que inclúe un prato de culler, un de peixe, un de carne, un vexetariano e diferentes guarnicións para acompañar.

Cafetería & picoteo

DENDE UNHA HORA ANTES DAS ACTUACIÓNS

Quedamos no Lasso antes das actuacións do Auditorio? Somos o teu punto de encontro dende 1 hora antes das actuacións para que poidades tomar e picar algo! Apetece?

Bolsa de picnic

MENÚ PARA LEVAR SEN PLÁSTICOS

Apetéceche comer no Parque da Música ou tes que facelo na oficina? Agora podes escoller o que queiras do noso bufete e levalo contigo! Pídenos a túa bolsa de picnic e nós dámosche dúas bandexas para que enchas co que che apeteza do noso bufete, cubertos, servilleta, unha botella de auga. Todo por 9€ (con café 1€ máis).
Ademáis, todo o material que che damos (bandexas, cubertos e bolsa) é 100% libre de plásticos, biodegradable e compostable.

Aperitivos, pausas café e menús para grupos

SERVIZOS PARA CONGRESOS, EVENTOS E REUNIONS DE EMPRESAS

Ofrecemos diferentes menús de aperitivos de pé, coffee break e comidas para grupos grandes. Ponte en contacto con nós e informámoste das diferentes opcións en función do que necesites.
Tamén facemos catering de artistas.


Outros servizos

  • Parking gratuito.
  • Accesible.
  • Elaboramos pratos sen gluten.
  • Sempre temos pratos vexetarianos e veganos no menú.


A NOSA HISTORIA

Lasso é a cafetería e restaurante do Auditorio de Galicia de Santiago de Compostela, que abre as portas o 22 de novembro de 2017 e que toma o nome do apelido materno do arquitecto do edificio, Julio Cano Lasso.

A cafetería enmárcase nun dos edificios máis emblemáticos da cidade de Compostela, inaugurado no 1989 ao mesmo tempo que se proxectou o Parque da Música de Compostela e o lago na parte traseira do edificio.

A este parque é a onde se abren as galerías de cristal do Auditorio que albergan a cafetería, que quedan voadas sobre o lago e que ofrecen fermosas vistas ao parque coa cidade histórica de fondo.

O AUDITORIO DE GALICIA

A cafetería Lasso sitúase no Auditorio de Galicia (Santiago de Compostela), onde se programan numerosos eventos culturais.

Podes consultar a programación na web cultural de Santiago: Compostela Cultura.

É tamén sede da Real Filharmonía de Galicia  e da Banda Municipal de Santiago de Compostela.

Menú variado a un prezo estupendo e todo moi rico. Ambiente tranquilo, moi boas vistas e sitio onde aparcar. Non se pode pedir máis!

– Patrieira de Ascott.

Menú sano y muy rico. Ambiente muy agradable y luminoso. Todo de 10. Enhorabuena.

– Ginkgo Cats.

Fantástico o menú diario e a atención e vistas, un 10. Para non perder nas visitas a Compostela!

– Eva Mejuto.

Destacamos

22 de NOVEMBRO de 2018

52A
52B

Santiago(é)tapas

Formamos parte, por primeira vez, do concurso de tapas Santiago(é)tapas (www.santiagoetapas.com) e facémolo condúas propostas vexetarianas:

  • Tapa Territorios. Filloa con falafel de faba de Lourenzá [apto para persoas celíacas].
  • Tapa Julia Minguillón. Paté de shiitake con lascas de pan de Cea [vegana].
Os nomes das tapas están relacionados coa actual exposición do Auditorio de Galicia «Territorios de intimidade. Artistas galegas baixo o franquismo.», comisariada por Rosario Sarmiento e que trata de poñer en valor ás creadoras galegas que traballaron na época franquista.
Podedes visitar a exposición ate o 3 de febreiro de 2019.
As tapas podedes degustalas até o domingo 2 de decembro. 

Sorte cesta de Nadal

Este nadal sorteamos unha cesta gastrocultural no Lasso.
Cada menú darache a posibilade de entrar no sorteo desta marabillosa cesta que contén:
  • Dúas entradas para UN concerto da Real Filharmonía de Galicia a elexir* dos que quedan da tempada (de xaneiro a maio)  *en función da disponibilidade do aforo
  • Dous abonos do Santiago Futsal
  • Dous menús do día bufete no Lasso (previa reserva)
  • Unha botella de mencía, unha de cervexa especial de nadal e unha de escumoso de albariño
  • Unha tarta de Santiago, un tarro de mel de Galicia, un queixo galego e un surtido de conservas galegas.
No sorteo poderán entrar todas aquelas persoas que consuman UN MENÚ no Lasso entre os días 3 e 20 de decembro. 
O sorteo realizarase o día 21 de decembro.

RESERVAS

CONTACTA

Teléfono: 981 573 807

Avda. Burgo das Nacións s/n

15705 Santiago de Compostela

Síguenos nas redes

© Cafetería Lasso 2018 · Todos os dereitos reservados · Aviso legal · Política de privacidade